Мубаракрай!

Махачкъалада яшамиш жезвай ашахуьруьнви машгьур меценат, газетдин вафалу дуст, чIехи хизандин кьил Азетуллагь  Исаевич  Мегьамедагъаеваз:

Кьве ирид ви къуьн-къуьнева

Къалурзава яшдин мешреб ажеб дуьз!

Гьар са ирид илигнавай дергес я!

Чпив гвайди Шагь дагъларин гьевес я!

Лугьузва жед: рехъ ви генг я, сефер — шад,

Къазанмиша халкьдин алхиш мад ва мад.

Са виш йисуз хуьз хьухь  гена ериш и,

Нурар анжах атурай  ви гуьруьшриз!..

Ви 77 йисан гатфар тебрикзавай “Лезги газетдин” редакциядин коллектив.

_____________________________________________________________________________________________________________________________

Мубаракрай!

Каспийск шегьерда яшамиш жезвай, алай вахтунда М.Гьажиеван тIварунихъ галай заводда крановщицавиле кIвалахзавай Фазила  Ханбутаевна  Жабраиловадиз :

Четин пеше хкяна на,

Хас авачир дишегьлийриз.

Эверестдал хьиз экъечIна,

Крандин кьакьан гурариз.

ЯхцIур йисуз имаратар

Эцигуник пай кутуна.

Къазанмишиз бул гьуьрметар,

Лайихлу кар на авуна.

Къе заводдин кранни ваз

МуьтIуьгъ я, лап аял хьиз.

Гумазва вав зиреквал, наз,

Жаван, жегьил чIавуз хьиз.

Мадни уьтквем,  сагълам хьурай!

Юбилей ваз мубаракрай!

Ви 60 йисан юбилей тебрикзавай уьмуьрдин юлдаш Такъидин,

веледар Тельман, Альбина, Гъуланбиги

ва хтулар Алия, Нарима, Сабрина, Мегьамед, Самира, Фатима, Рамазан.