Хаталу гьайванар ва гьашаратар
Набататрин алемдихъ хьиз, дуьньядин гьайванрин алемдихъни ажайибвилер, сирер, аламатар ава. Ахьтин гьайванар, гьашаратар ава хьи, абур инсандиз гьакI акун бес я — гьасятда зегьле фида, кичI акатда. Лугьудайвал, руьгь дабандиз аватда. Бязибурукай баянар гун.
Итижлу делил ам я хьи, виридалайни хаталубурун жергеда сад лагьай чкадал агъкъанат (москит) ала. Чими чкайра жезвай гьашаратдин хаталувал ам я хьи, ада жуьреба-жуьре азарар чукIурзава, санай масаниз тухузва. Кьилди къачуртIа, хамуниз кIас гуникди гьам инсанрик, гьамни гьайванрик гьар жуьредин азарар акатзава. Абурукай тамамвилелди хуьз хьун намумкин кар яз гьисабзава.
Бязибурун тIварар лезги чIала малум туширвиляй абур чна урус чIалал кхьизва. Агъкъанатдин гуьгъуьналлаз хаталубурук конусар (юкьван тар авачир, хъипрепIра жедайбур), пенек-пенек хьайи зубатка (балугъ), адетдин бегемот, еке мамба (гзаф зегьерлу гъуьлягъ), наха (вагьши чIехи балугъ, акула), акьраб, Бразилиядин хушракан, цегв-гуьлле, росомаха (цуцIулрин жинсинин гьайван), Юкьван ва Кьиблепатан Америкада жедай листонос тIвар алай кьаркьулув, пальмайрин угъри тIвар алай пахлахан, Япониядин пахлахан-хушракан, Азиядин чIехи хуз ва яргъи крчар алай, гапурдин хьтин сарар авай (саблезуб) гьайван акатзава.
«Лезги газет»
