2020-йисуз Дагъустандин властри автомобилрин “Хатасуз ва ерилу рекьер” милли проектдин бинедаллаз 150 объект цIийикIа туькIуьр хъувун ва ремонт авун пландиз къачунва. Алатай йисав гекъигайла, им саки 40 объектдин гзаф я. Республикада милли проект патал 1,5 миллиард манатдилай гзаф пул ахъайда. Идан гьакъиндай, РД-дин Премьер-министр Артем Здунован гафарал бинеламиш хьана, ТАСС-ди хабар гузва.
85,3 километр автомобилрин ва куьчейрин рекьер лазим тир гьалдиз гъида. Гьа гьисабдай яз — Махачкъаладани. 85 куьче ва шегьердин патарив гвай пуд шегьре ремонтда. “Идалайни гъейри, 67 куьчеда ракьун рекьерин гьерекатдин тешкилатрин объектар эцигда. КIвалахар 4-кварталдин эхирра куьтягьун пландиз къачунва”, — малумарна А.Здунова.
Ада лагьайвал, 2019-йисуз Дагъустанда милли проектдин кIвалахар кьиле тухун патал 1,5 миллиард манатдилай гзаф чара авуна. “И такьатрихъ 111 объект ремонтна, вири кIвалахар вахтунда тамамарна. Макьсаддив агакьна”, — алава хъувуна А.Здунова.
«Лезги газет»
