БТИ-дай (Бюро технической инвентаризации) жувахъ хсусият ава ва я авач лагьай справка герек ятIа, ам къачун четин акъваздач. Къейднавай справка са тайин кьезилвилер ва я яшамиш жедай чка (кIвал) къачунин жигьетдай учетда акъваздайла, агьалийриз герек жезва.
Ихьтин справка жуваз мукьвал ва къулай тир МФЦ-дин идарадиз фена, къачуз жеда. Ам герекзавай касдив вичин паспорт ва къуллугъдин (услуга) гьакъи гайивилин документ хьана кIанда. Эгер маса касдин тIварцIихъ къачуна кIанзаватIа, адан векилдив ихтибарунин чар (доверенность) хьун чарасуз я. Веледдин тIварцIихъ диде-бубайриз ва ам веледвиле кьабулнавайбуруз справка къачуз кIан хьайитIа, ам дидедиз хьайивилин ва я веледвиле кьабулунин гьакъиндай шагьадатнама гваз хьана кIанда.
Полис къачун ва дегишарун
Медицинадин рекьяй таъминарунин (ОМС) полис “Макс-М” туькIуьрун ва я дегишар хъувун патални ватандашривай МФЦ-дикай менфят къачуз жеда. Полис туькIуьрунин, дегишар хъувунин себебар ихьтинбур я:
— страховой компания дегиш хьун;
— ватандашдин тIвар ва я фамилия дегиш хьун;
— документда къалурнавай делилар дуьз тахьун (гъалатIар кваз хьун);
— ОМС-дин цIийи жуьредин полис къачуз кIан хьун;
— полис квахьун ва я документ къайдадикай хкатун.
Полис туькIуьрун патал ватандашдив вичин паспорт хьун герек я. Эгер полис аялдиз туькIуьрзаватIа, ам дидедиз хьайивилин гьакъиндай шагьадатнама гваз хьана кIанда.
ТIвар кьунвай документ 30 йикъан муддатда гьазурда. Ам гьазур жедалди, ватандашривай вахтуналди яз гузвай полисдикай менфят къачуз жеда.
«Лезги газет»
