Ражидин Идаятович Гьайдаров

Махачкала, 2003-йис.

КIелдайдаз теклифзавай и ктаб кьетIен жуьрединди я, ам кхьинин мурадарни адетдинбур туш. Лап куьрелди икI лугьуз жеда: суьгьбетда, иллаки са шей кIелдайла, жувал дуьшуьш хьайи бязи къариб гафарал куь фикирни желб авун ва а гафарин таъсирдик рикIяй фейи хиялар аянарун – ингье авторди вичин вилик эцигнавай везифаяр гьа ибур я.

Хиялар лагьайтIа, гзаф вахтара «кьурубур» жедай адет я, гьакI ятIани, ктаб кхьинин жуьрэт чна са кардик умуд кутуна ийизва: белки, а хиялрикай бязибур дуьзбур жен ва я абуру гьуьрметлу кIелдайди вич маса, генани гьахълу хиялрал гъин, я туш ада абурукай гьакъикъатдив такьазвай маса фикирар батIулардай делилар яз менфят къачун…