Квез чидани?
Йете цIуд кIвач квай пахлаханрин жинсиникай я. И жуьредин пахлахан сифте яз 2005-йисуз Тихий океандин кьиблепата 2 агъзур метрдилайни деринда “AtIantis” гимиди ахтармишунар кьиле тухудай вахтунда дуьздал акъудна. Роберт Врейенхукан ва Мишель Сегонзакан регьбервилик кваз кьиле тухвай ахтармишунар себеб яз, сад лагьай йете пахлахан океандин 2200 метрдин дериндай жагъана. Адалай кьулухъ цин деринрай ихьтин пахлаханар акъуднавай ксар малум туш. Пахлахандиз йете тIвар ахтармишунин гьерекатра иштиракай пешекарри гана. Латин чIалай таржума авурла, а гафунихъ “чIар алайди” лагьай мана ава.
М.Сегонзака 2006-йисуз йете пахлахандикай чкадин газетда макъала чапнай. Жагъай пахлахандин яргъивилел 15 сантиметр алай. Къейдзавайвал, ам михьиз буьркьуьди тир.
Винел патан ажайиб акунрилай гъейри, пахлаханди тIуьнин еринда ишлемишзавай затIарини алимар кIеве туна. Ада вуч незватIа тайиндиз чириз пешекаррилай алакьнавач.
Йете пахлахан инсанди тIуьниз ишлемишна виже къведач — адак зиянлу сероводород ква.
«Лезги газет»
