16-ноябрдиз Мегьарамдхуьруьн райондин Бут-Къайзмайрин ДЮСШ-да дзюдодай 2006-2008 ва 2009-2010-йисара дидедиз хьайи жаванрин арада ачух кIвенкIвечивал патал акъажунар кьиле фена.
Турнирдин макьсад дзюдо машгьурун, спортдин и жуьредал машгъул ксарин устадвал хкажун, гьакIни спортдин маса школайра ва клубра вердишвилер къачузвай спортсменрин арада дуствилин алакъаяр мягькемарун тир.
Ачух турнирда Махачкъала, Каспийск, Дербент шегьеррай ва масанрай атанвай командайрини иштиракна. ИкI, 300-далай ви-низ гъвечIи спортсменри хъсан гьазурвал ва къизгъин бягьсер къалурна.
Гъалиб хьайибур кубокар, грамотаяр ва медалар гуналди къейдна.
«Лезги газет»
