14-октябрдилай вири уьлкведа аналоговый телевидение хкудзава, хабар гузва официальный сайтди.
Гьа икI, анжах рекъемрин телевидение амукьда, ада кар алай 20 телеканалдай гузвай передачайриз гьакъисуздаказ килигдай мумкинвал гузва. Гьа йикъалай амай каналрикай менфят къачуз хъжедач.
Дагъустандин саки вири мулкар (98 процент) рекъемрин телевиденидикай менфят къачуз жедай зонадик акатзава. Идахъ галаз алакъалу яз, республикадин агьалийривай, еке четинвилер авачиз, рекъемрин телевиденидал элячIиз жеда. ИкI, месела, рекъемрал бинелу телевизорар авай ксари маса тадаракар маса къачунин чарасузвал авач. Абур рекъемрин телевиденидал элячIунин кIвалах вич-вичелай кьиле фида. Телевизор рекъемринди тушиз хьайитIа, махсус тадарак — приставка маса къачун герек я.
Лазим тир тадаракар маса къачунихъ ва абур чкайрал эцигунин карда куьмек гунихъ галаз алакъалу суалриз жавабар “кузвай линиядин” нумрадиз — 8-800-220-02-02 — зенг авуна къачуз жеда.
«Лезги газет»
