Кьурагь райондин Гелхенрин хуьряй тир Дагъустандин халкьдин Игит, “Дагюгстрой” ОАО-дин регьбер, технический илимрин кандидат, РД-дин лайихлу эцигунардайди, “Эцигунрин хиле лайихлувилерай” ордендин сагьиб Гьажи Ражабович Жабраиловаз мукьвара Дагъустандин Кьил Владимир Васильеван Указдалди “Дагъустан яшайишдинни экономикадин жигьетдай вилик тухуник пай кутунай” медаль ганва.
Идакай “Лезги газетдиз” Дагъустандин халкьдин артист, “Дагъустан” РГВК-да милли чIаларал кьиле физвай вещанидин директор, “Вахтар ва инсанар” передачадин автор ва ам кьиле тухузвай Исамудин Агьмедова хабар гана.
Чна хайи чIалал акъатзавай газетдин вафалу амадагрикай сад тир Гьажи Ражабовичаз и агалкьун мубаракзава ва Аллагьдивай адахъ чандин сагъвални яргъи уьмуьр хьун тIалабзава.
“Лезги газетдин” редакциядин коллектив
