“Islam.ru” сайтди хабар гузвайвал, тарихда сифте яз алай йисуз Саудовский Аравиядин дустагъра авайбуруз гьаждал фидай мумкинвал хьана. Идакай “Ар-Руйя” чешмедиз пачагьлугъдин дустагърал гуьзчивал тухузвай кьилин управленидин векилди хабар гана.
Къейд ийин хьи, гьажда авай вахтунда дустагъра ацукьнавайбур амайбурулай са кIусни тафаватлу жезвачир: абуру Ислам динди истемишзавайвал парталар алукIнавай ва азаддиз гьаждин адетар кьилиз акъудзавай. Абурал къаравулвал дустагънавайбурун мукьва-кьилийри ийизвай.
Чешмедин делилралди, гьаждал фидай мумкинвал анжах мукьвара дустагъдай эхкъечIзавайбуруз ганвай. И программа арадал гъанвайбурун гафаралди, ихьтин къайдада абуру дустагърай азад хъийизвайбур адетдин уьмуьрдив вердишар хъийизва.
Гьаж куьтягь хьайидалай кьулухъ абур вири элкъвена дустагъра хтуна.
Гьазурайди — Агьмед Магьмудов
