Алай йисан 7 вацран вахтунда Махачкъаладин аэропортунай фенвай пассажиррин кьадар, алатай йисан гьа и вахтунив гекъигайла, 25 процентдин гзаф хьанва ва 858,9 агъзурдав агакьнава, хабар гузва аэропортунин пресс-къуллугъди.
Аэропортунай тамамарнавай рейсерин кьадар 22 процентдин гзаф ва 6,761 агъзурдаз барабар хьанва.
Идалай вилик Махачкъаладин аэропортуни, 2018-йисан дережадив гекъигайла, пассажирррин кьадар 4,7 процентдин хкажун ва 1,35 миллиондив агакьаруни планламишнавайдакай хабар ганай.
Махачкъаладин аэропортунай Москвадиз гьар юкъуз 10-дав агакьна самолетар рекье гьатзава. Инай Санкт-Петербургдиз, Сургутдиз, Дондал алай Ростовдиз,Сочидиз, Минеральный ятариз, Краснодардиз ва Казандиз рейсер тамамарзава. Международный рекьерай “Уйташ” аэропортунай Къазахстандиз (Актау), Туьркиядиз (Стамбул) ва ОАЭ-диз (Дубай) физва.
«Лезги газет»
