Мукьвара Дербент шегьерда, машгьур шейх Ярагъ Мегьамедан экуь къаматдиз бахшна, мини-футболдай ЮТО-дин (Кьиблепатан территориальный округ) кубок патал акъажунар кьиле фена. Идакай “Лезги газетдиз” РД-дин Муфтиятдин пресс-къуллугъди хабар гана.
Спортдин мярекатдин тешкилтчийрин арада Кьиблепатан Дагъустанда РД-дин Муфтиятдин векилхана ва Дербент ше-гьердин администрация авай.
Акъажунар гатIундалди вилик, иштиракчийрихъ элкъвена, Дагъустандин Муфтийдин заместитель Агьмад Къагьаев, Дербентдин администрациядин кьилин заместитель Видади Зейналов рахана.
Турнир ачухунин мярекатда гьакIни Дербентдин имамрин советдин председатель Абубакр Аливердиева, шегьердин администрациядин жегьилрин сиясатдин ва спортдин отделдин начальник Хочбар Баркаевани иштиракна.
Кубок патал, санлай къачурла, 34 команда къугъвана. Гьардахъ гъалиб жедай къаст авай. Нетижада турнирдин чемпиондин тIварцIиз Кьурагь райондин КьепIиррин хуьруьн команда лайихлу хьана. 2-чка — Дербент шегьердин — “Карьер”, 3-чка Рутул райондин командайри кьуна.
КIвенкIвечи чкаяр кьурбурув шабагьар Дагъустандин тIвар-ван авай спортсменри вахкана. Абурун гъалибвилер медалралди, грамотайралди ва пулдин пишкешралди къейдна.
Чи мухбир
