И йикъара машгьур мухбир, шаир Вадим  Жамалдинован (Гъетягъ Вадиман) уьмуьрдин 80-гатфар шад гьалара къаршиламишна. Литературадин мярекат, аниз атанвай мугьманар, хуьруьнвияр тебрик авуналди, Вадим Жамалдинован уьмуьрдикай ва яратмишунрикай куьруь гаф рахуналди ва адаз  юбилей мубаракуналди, райондин о­б­ще­­­ст­венный палатадин член Зуьгьре Агъарзаевади ачухна ва кьилени  тухвана.

Вадим Жамалдинован четин, амма баркаллу уьмуьрдикай, адан гзаф терефрин ба­жа­рагъдикай ва яратмишун­рикай, абурун кьетIенвиле­ри­кай, адан шииррай кьилдин цIарар ва бендер гъиз, муаллим, хуьруьнви Да­­ир Алиев, шаир ва жур­налист, Да­гъустандин культурадин ла­йихлу работник Абидин Камилов, агъсакъалрин советдин председатель Ямудин Ба­баев, зегьметдин ветеран Маж­минат Адулова ва маса юлдашар рахана.

Хуьруьн библиотекадин ва СДК-дин заведующияр тир Таиса Шабановади, Тамила Бабаевади, хейлин школьникри: Эмиля Гьуьсенбеговади, Алина Тажибовади ва Хадижа Раз­вано­вади шаирдин шиирар хуралай кIелна. Сайтархуьруьн СДК-дин заведующий Ф.Тажибовади адан чIалариз кхьенвай “Хтулар” ва маса манияр еке ус­тадвилелди лагьана.

Мярекатдин эхирдай Гъетягърин хуьруьн администрациядин ва школадин патай юбилярдив савкьатар вахкана.

Вадим Жамалдинова вичин гьуьрметдай ихьтин межлис къурмишунай, тебрикрай ва гайи савкьатрай вирибуруз чухсагъул­ лагьана.

А.Камилов,

Я.Бабаев