И мукьвара ЦIийи Макьарин хуьре, 1941-1945-йисарин Ватандин ЧIехи дяведа Гъалибвилин 75 йисан юбилейдиз талукьарна, тренер Магьмудов Мевлуьдинан гьуьрметдай мини-футболдай районрин уртах турнир кьиле фена. Ам райондин физический культурадин, спортдин, туризмдин ва жегьилрин крарай комитетди ва ЦIийи Макьарин хуьруьн администрацияди тешкилнавайди тир.
Акъажунра Сулейман-Стальский, Мегьарамдхуьруьн, Дербент ва Докъузпара районрин хуьрерин командайри иштиракна. Абурун арада къизгъиндаказ къугъунар кьиле фена.
Турнирда “Новая Мака” командади 1-чка кьуна. 2 ва 3-чкайриз “Касумкент-1” ва “Касумкент -2” командаяр лайихлу хьана.
Хъсан чкаяр кьур командайриз пулдин призар, грамотаяр, медалар ва кубокар гана.
Грамотайриз ва пулдин призриз “Лучший вратарь”, “Лучший защитник”, “Лучший нападающий” ва “Лучший бомбардир” номинацийрай гъалиб хьайи кьилдин футболистарни лайихлу хьана.
Х. Кьасумов
