Мегьарамдхуьруьн райондин Инстаграмда авай официальный чина хабар гайивал, 29-июндиз кьиле тухуда лагьай чIехи шейх Ярагъ Мегьамедан тIварунихъ галай гегьенш форум, бязи гьалар себеб яз, маса йикъал хутахнава.
Чешмеди къейдзавайвал, «Мегьамед Ярагъви – халкьдин зурба ирс» форум кьиле фидай югъ гьелелиг тайинарнавач; тайин хьайила, виликамаз хабардар ийидайвал я.
Къейд ийин хьи, алай вахтунда «Ярагъ Мегьамедан уьмуьр ва яратмишунар» тIвар алай ктабни чапдиз гьазурзава.
«Лезги газет»
