2018-йисан нетижайрай  чкадин самоуправленидин органрин кIва­лахда къазанмишай лап хъсан нети­жайрай  республикадин бюджетдай Дагъус­тандин 3 шегьердиз ва 12 райондиз грантар гуда. РД-дин Кьил Владимир Васильева махсус Указдал къул чIугунва. Лап нетижалу шегьерриз ва районриз гун ­патал 25 миллион манат тайинарнава.

“Дагъустан Республикадин шегьеррин округрин ва муниципальный районрин чкадин самоуправ­ленидин органрин кIвалах­да лап хъсан нетижаяр къазанмишайбур ашкъилу авунин мураддалди 2018-йисан нетижайрай приздин чкаяр гун къарардиз къачузва… Дагъустан Республикадин бюджетдай 25 миллион ма­нат чара ийин”, — къейднава Указда.

Талукь Указда къалурнавайвал, грантар агъадихъ галай муни­ципа­литетриз гуда:

а) шегьеррин округар: 1-чка  — “Дербент шегьер”; 2-чка — “Каспийск шегьер”; 3-чка — “Хасавюрт шегьер”;

б) муниципальный районар: кьакьан дагъларин зона: 1-чка — “Ша­мил район”, 2-чка — “Лак район”, 3-чка — “Чарода район”.

дагъларин зона:  1-чка — “Хунза­х район”, 2-чка — “Дахадаев район”, 3-чка — “Гуниб район”;

дагъларин ценерив гвай зона: 1-чка — “Казбек район”; 2-чка — “Буйнакский район”, 3-чка — “Хив район”;

дуьзен зона: 1-чка — “Хасавюрт район”; 2-чка — “Къизилюрт район”; 3-чка — “Къарабудахкент район”.

«Лезги газет»