Шаксуз, верг хийирлу хъач тирди вирибуруз малум я. Амма адан аламатрикай, кьилди къачуртIа, неинки менфятлу, гьакI дармандин такьатрикайни тамамвилелди малуматар чир хьун патал махсус энциклопедийриз, интернетдин сайтриз вил вегьейтIа, хъсан я. 

Вергерик лимонрилай, цIирицIрилай гзаф витаминар, гьакIни ракь, магний, калий, кальций ва маса минераларни ква.

Халкьдин медицинада вергерин гьалимадини гегьенш чка кьазва. РикIин кIвалах къайдадик кутунин, руфунин тIал алудунин, чIарарин ва хамунин гьал хъсанарунин мураддалди ишлемишзава. Гьалима вергерин кьуру пешерикай, дувулрикай гьазурда.

Вергерикай иммунитет мягькемарунин, жуьреба-жуьре вирусрин вилик пад кьунин, хуквадинни ратарин азаррикай сагъарунин, иви михьунин, жукIумрин тIал явашарунин кардани хийир къачузва.

Гьелбетда, гьар са набатат ва я дарман хьиз, вергерни инсанри ишлемиш тавуна кIани дуьшуьшар ава. Гьавиляй духтуррал алукьун лап важиблу я.

«Лезги газет»