И йикъара Кьурагьрин спортдин дараматда, “Веселые старты” лишандик кваз, Украинада кьиле тухузвай военный махсус серенжемда игитвал, дирибашвал, уьтквемвал къалуруналди иштиракзавай чи аскерриз бахшнавай спортдин серенжем кьиле тухвана. Ам тешкилайбур райондин администрациядин образованидин, гьакI физкультурадин, спортдин ва жегьилрин крарин рекьяй отделар тир.
Мярекатда Кьурагьрин 1 ва 2-нумрайрин, КьепIиррин юкьван школайрин, гьакIни КIирийрин СОСШИ-дин 6-классда кIелзавай аялри иштиракна. Жаван спортсменри неинки йигинвал, зиреквал, викIегьвал, гьакI чпин кьатIунар ва тешкиллувал къалурун лазим тир. Аялар патал им неинки ватанпересвилин руьгьдин тербия гудай, гьакI яргъалди рикIел аламукьдай мярекатдиз элкъвена.
Къизгъиндаказ кьиле фейи акъажунра Кьурагьрин 1-нумрадин юкьван школадин “Лидер” команда 1-чкадиз лайихлу хьана. КIирийрин СОСШИ-дин “Патриот” ва Кьурагьрин 2-нумрадин юкьван школадин “Альфа” командайри 2 ва 3-чкаяр кьуна. Гъалиб хьайи командайриз кубокар, медалар ва пишкешар гана.
Рагнеда Рамалданова
