Ватандин ЧIехи дяведилай кьулухъ СССР-да 127 миллион инсан амукьна.
Гъалибвилин югъ сад лагьай сеферда яз гегьеншдиз 1965-йисуз къейдна. А чIавалай инихъ и югъ суваринди яз тестикьарна.
Гъалибвилин сад лагьай парад Москвада 1945-йисан 24-июндиз кьиле фена.
Статистикадин делилрал асаслу яз къейдзавайвал, дяведа иштиракай советрин аскеррикай 80 агъзур кас дишегьлияр тир.
Ватандин ЧIехи дяведин йисара дишегьлийрин кьушунар арадал атана.
Дяведин йисара Украинада авай 334 хуьруьзни анрин инсанриз немсери цIай яна.
Дяведа иштиракай 87 дишегьлидиз Советрин Союздин Игитвилин тIвар гана.
“Берлин къачунай” медалдалди 1 миллионни виш агъзур аскер кьван къейдна.
Дяведа 60 агъзурдалайни гзаф жинсинин кицIери къуллугъна. Абуру душмандин кьуд миллиондилайни гзаф минаяр зарарсуз авуна.
Немсерин аскерар гьевесламишун патал первитин наркотикдикай менфят къачузвай. И наркотик летчикринни танкистрин емдик ачухдиз кутазвай.
Машгьур диктор Левитанал Советрин гьукумди къаравулвалзавай. Левитанан кьил вичин патав гъайидаз Гитлера 250 агъзур марка шабагь яз гун малумарнай.
Гьазурайди — Куругъли Ферзалиев
