Вахтуналди  Дагъустан Республикадин  Кьилин везифаяр тамамарзавай Владимир Абдуалиевич Васильева 30-июндиз Махачкъалада кьиле фейи Стратегиядин сессиядал алай йисан сентябрдиз кьиле  фидай,  региондин регьбер хкядай  сечкийра вичин  кандидатура  эцигайдакай малумат ганва.

Арза гудайла, ада шаир Расул Гьамзатован гафар чешнедиз гъана: «Дагъустан гуьгьуьллувилелди Россиядин куьлгедик экечIнач. Ам адавай анжах къуватдалди къакъудиз жеда». Идакай «Дагъустан» агентстводи хабар гузва.

За икI лугьузва: гуьгьуьллудаказ  за Дагъустандиз атун тIалабнач. Зун инай ахкъудунин къуват анжах са халкьдин ихтибарсузвилихъ ава. Зун паталди дагъустанвийрин ва РФ-дин Президетдин ихтибар важиблу я. За Квевай гъавурда гьатун тIалабзава: «Региондин Кьил хьун заз герек туш, ам  чаз герек я. Чун яшайишдин са бязи терефрай цIуд йисарин гуьгъуьна амукьнавай, гила чун фад виликди фидай вахт алукьнава», — Васильеван гафар малумарзава хабаррин агентстводи.

«Лезги газет»