15-апрелдиз РД-дин Гьукуматдин Председатель Артем Здунован регьбервилик кваз автомобилра кудай газдалди таъминардай компрессорный станцияр (АГНКС) эцигунин ва “Кристалл-сити” индустриальный парк вилик тухунин месэлайрай совещание кьиле фена.

Къейд авурвал, алай вахтунда регионда моторра кудай шей яз тIебии газ ишлемишун артухарунин месэлаяр веревирдзава.

Республикадин Минпромэнергодихъ авай делилралди, Да­гъустанда 26 АГНКС эцигун пландик кутунва. Инвесторривай лагьайтIа, 30 процентдив агакьна харжийриз талукь яз субсидияр чара авуник умуд кутаз жеда.

“Газозаправкадин станцийрин къу­рулуш вилик тухунин кIвалах автотран­спортдин такьатар моторра кудай шей яз тIе­бии газ ишлемишунал алудунихъ галаз гьа са вахтунда кьиле тухун лазим я”, — къейдна Артем Здунова.

Мярекатда РД-дин Гьукуматдин Пред­седателдин заместитель Владимир Ле­мешкоди, гьакIни са жерге министерствойрин ва ведомствойрин руководителри иштиракна.

Чи мухбир