Технический план — им юзан тийидай объектдикай асул малуматар авай, гьакIни ам алай чка, адан кIалуб ва ада кьунвай чкадин кьадар къалурзавай документ я. Технический план объект кадастрдин учетда эцигун, хсусиятдин ихтиярар регистрация авун ва гьакIни объектдихъ галаз алакъалу жуьреба-жуьре савдайрин икьрарар кутIунун патал чарасуз я.
И документ юзан тийидай объект алцумайдалай, ахтармишайдалай кьулухъ МФЦ-дин кадастрдин инженерди туькIуьрзава. И кар кьилиз акъудиз кIанзавайбурувай агъадихъ къалурнавай документарни гваз МФЦ-дин идарадиз физ жеда:
— паспорт;
— чилин участокдин сагьиб тирди тестикьарзавай документ;
— госпошлина ганвайвилин гьакъиндай квитанция.
Газдин гьакъи гун патал
Ишлемишзавай газдин гьакъи гуниз талукь лицевой счет са сеферда МФЦ-диз финалди ачухиз жезва. Идакай чаз Махачкъалада авай МФЦ-дин кьилин идарадин пешекарри ихтилатна.
Малум тирвал, газдин гьакъи гун патал кIвалерин иесийри газдалди таъминарзавай тешкилатдихъ галаз икьрар кутIунзава.
И кар Дагъустанда авай МФЦ-дин вири идарайра кьилиз акъудиз жезва. Къейдзавайвал, и къуллугъ кIвалахдин 30 йикъан муддатда агакьарзава.
Герек тир документрин сиягь «Газпром межрегионгаз Махачкъала» тешкилатдин сайтдай чириз жеда.
«Лезги газет»
