И йикъара Болгариядин Пловдив шегьерда азаддаказ кьуршахар кьунай 23 йисал къведалди яшара авай жегьилрин арада Европадин кIвенкIвечивал патал кьиле фейи акъажунра Азербайжан республикадин патай экъечIзавай чи кьегьал Жабраил Гьажиевани вичин алакьунар ва устадвал къалурна. Ада 74 кг-дин заланвал авайбурун арада инанмишвилелди Европадин кIвенкIвечивилин тIвар къазанмишна…
Финалдин акъажунра Жабраилахъ галаз бягьсиниз Румыниядай тир Кристиан Биро экъечIнавай. Чи ватанэгьлиди адаз гъалибвал къазанмишдай гьич са кIусни мумкинвал ганач, бягьс 8:1 гьисабдалди акьалтIна. Адалай вилик кьиле тухвай бягьсерани Ж.Гьажиева инанмишвилелди (Эрменистандин, Австриядин ва Туьркиядин векилар, талукь тирвал, 12:2, 4:3 ва 7:3 гьисабралди адаз кумукьуналди) гъалибвал къазанмишна.
Рагнеда Рамалданова
