За вири дагъустанвийриз государстводин сувар — Дагъустан Республикадин Конституциядин югъ мубаракзава!
Дагъустан Республикадин дибдин закон кьабулун чи халкьдин уьмуьрда, Россиядин Федерациядин къакъудиз тежедай пай яз, республика, демократиядин рекьяй виликди финин стратегия тайинарай еке метлеб авай девир хьана. Конституцияди, экономикадин ва яшайишдин политика галай-галайвал кьиле тухун патал хъсан шартIар яратмишуналди кьилдин ксарин азадвал, жуьреба-жуьре миллетрин, инсанрин ва динрин барабарвал заминламишуналди, гражданвилин институтар тешкилун патал бине кутуна. Дагъустандин халкьарин садвал ва битаввал мягькемарун патал чи Конституциядин зурба мумкинвилер ишлемишуналди, чавай экстремизмдинни терроризмдин идеологиядиз агалкьунралди акси акъвазиз алакьзава.
Чи Конституциядал бинеламиш хьуналди, эхиримжи йисара чна экономика хкаж хьун, республикада социальный, общественный хилер виликди фин, общественно-политический пайгарвал таъминарзава.
Чи буржи Дагъустан Республикадин дибдин закондив къайгъударвилелди эгечIун, ана бинеламишнавай къайдайрал ва милли ивиррал ян тагана амал авун, дагъустанвийрин ихтиярар ва азадвилер Дагъустандин ва Россиядин хатасузвал таъминарун я.
Дагъустанди ва Россияди цуьк акъудун патал заз квехъ ислягьвал ва хъсан дуланажагъ, яратмишунардай зегьметда агалкьунар хьана кIанзава.

Дагъустан Республикадин Кьил Р.Абдулатипов