И йикъара, РФ-дин Конституциядин йикъан сергьятра аваз, Кьурагь районда жегьилрин арада 8-сеферда яз столдин теннисдай чемпионат кьиле фена. Идакай «Лезги газетдиз» Кьурагь райондин администрациядин пресс-къуллугъди хабар гузва.

Чемпионат кьиле тухуник райондин администрациядин физкультурадин, спортдин ва жегьилрин крарин рекьяй отделди кьил кутуна. Акъажунрин кьилин макьсадар Кьурагь районда спорт вилик тухун, жегьилар сагълам уьмуьр кьиле тухунал желбун, жегьилриз ватанпересвилин тербия гун, районда столдин теннис вилик тухун ва республикадин акъажунра иштиракун патал лап хъсан теннисистар хкягъун я.

Нубатдин сеферда акъажунра 18 теннисистди иштиракна. Къизгъин къугъунрин нетижада 1-чка Арсен Сефералиева, 2-чка Рустам Мамедова, 3-чка Замир Къурбанова кьуна. Гъалибчийризни приздин сагьибриз грамотаяр, медалар, пул ва къиметлу савкьатар гана.

«Лезги газет»