Дагъустандин информациядин ва печатдин министерстводин пресс-къуллугъди хабар гузвайвал, 9-11-декабрдиз Махачкъалада СМИ-рин форум кьиле фида. Форумдин сад лагьай юкъуз РД-дин Кьил Сергей Меликован пресс-конференция тешкилда. Мярекатдиз къвезвай мугьманрин арада ИТАР-ТАСС, “Интерфакс”, “Российская газета” ва жуьреба-жуьре регионрин изданийрин, Урусатдин журналистрин Союздин векилар ава.

Мадни форумдин сергьятра аваз Урусатдин милли ктабрин сад лагьай фестиваль ва Дагъустандин ктабрин “Тарки-Тау” мекера кьиле фида.

РикIел хкин, сифте яз республикада ктабрин мекера 2012-йисуз тешкилнай. Адалай инихъ и мярекат гьар йисуз тухузва. Къейд ийин хьи, ктабрин мекерада неинки са республикадин, гьакIни Урусатдин ктабрин чапханайрин Ассоциациядин, писателрин Союздин, уьлкведин жуьреба-жуьре регионрин чапханайрин векилри иштиракзава.

Пуд юкъуз давам жедай форум тарихдин “Урусат — зи тарих” паркуна кьиле фида.

«Лезги газет»