ИГРАМИ ЛЕЗГИЯР!

Акваз-такваз Аллагьдин регьимдивни берекатрив ацIанвай пак Рамазандин варз куьтягь хьана. И вацра куьне хвейи сивер, авур дуьаяр, гайи садакьаяр Сад Аллагьди кьабулрай! РикIера авай иман мадни артух хьурай, Лезгистандин чилел гьуьрметди, ислягьвили, къенивили, стхавили агъавалрай. Куь кIвалера берекатар мадни пара хьурай!

Пак Рамазандин вацра гьар са мусурмандин уьмуьрда кьетIен чка кьазва. И вацра инсаниятдиз захавилин, мергьяматдин, ахлакьдин тарсар гузва, рикIера иман мягькемарзава, чаз эквни нур къалурзава. Къуй чун Аллагьдин берекатрикай садрани магьрум тахьурай ва чун физвай рекьерни гьамиша экуьбур хьурай! Амин!

Квез сивер хуьнин сувар мубаракрай!

«ЛЕЗГИ ГАЗЕТДИН» редакциядин коллектив.