РД-дин здравоохраненидин министерстводин пресс-къуллугъди хабар гузвайвал, сифте сефер яз Дагъустандин Кьили 2022-йисуз пулсуздаказ дарманар гун лазим тир агьалияр патал республикадин бюджетдай абур маса къачун тамамвилелди таъминариз жедай кьадарда аваз пулдин такьатар чара авунин къарар кьабулнава. Виликан йисара республикадин бюджетдай ахъайзавай такьатри 14-50 процент тешкилзавай.
Гьаниз килигна агьалийрин пулсуздаказ дарманралди таъминарун герек тир къатариз Дагъустандин здравоохраненидин министерстводивай абур тамамвилелди гуз алакьзавачир. ТIвар кьунвай министерстводи гуьгъуьнин йис патал лазим дарманар къачуниз талукь аукционар вахтундамаз кьиле тухузва. Исятда ихьтин серенжемар 2022-йис патал кьиле тухунин къайгъуйрик ква. Абур законодательстводин лазим тир вири истемишунриз жаваб гуналди кьилиз акъудзава.
Аукционар тешкилунин важиблувал и ва я маса дарман маса къачунин къимет арадал гъунихъ галаз алакъалу я. Мадни а кардал фикир желб ийиз кIанзава хьи, пулсуздаказ дарманар къачун патал агьалияр чеб яшамиш жезвай чкайрин медицинадин идарайрин духтуррин (гьар сад вичин участокдин духтурдин) патав фин герек я. Абуру квез гьихьтин документар агакьарун лазим ятIа лугьуда. Ахпа кьилди гьар са агьалидин тIварцIихъай абур РД-дин здравоохраненидин министерстводиз рекье твада.
«Лезги газет»
