Мукьвара Дагъустан республикадин кьилин стипендия къачудай студентрив-лауреатрив сертификатар вахкана. «Лезги газетдиз» Сулейман-Стальский райондин администрациядин пресс-къуллугъди хабар гузвайвал, сертификатар вахкайбурун арада ДГУ-дин химиядин факультетдин 5-курсуна кIелзавай Шикер Шихбабаевани ава. Ада 2014-йисуз Курхуьруьн М.Рагьимован тIварунихъ галай 1-нумрадин мектеб къизилдин медалдалди куьтягьна.
Къейд ийин, республикадин руководстводи образование вилик тухуниз вини дережада фикир гузва. Вузра кIелзавай студентар, аспирантар патал стипендия тайинарун абуруз материалдин жигьетдай ийизвай хъсан куьмек жезва.
Агалкьунралди кIелзавай Шикер Шихбабаевадихъ гележегда илимдин рекье чIехи агалкьунар хьурай!
«Лезги газет»
