17-ноябрдиз Мегьарамдхуьруьн медениятдин тавханада шаир Бикеханум Алибеговадин 70 йисан юбилейдиз талукьарнавай мярекат кьиле тухвана. Шаирдин гьуьрметдай тешкилнавай межлис сифте гаф ра­­хуналди Мегьарамдхуьруьн­ райондин кьил Фарид Агь­ме­дова­ ачухна. Ада Б.Алибего­вадин уьмуьрдин­ ва яратмишунрин рекьикай вичин фи­кирар лагьана, адахъ эдебият­да мадни еке агалкьунар хьун алхишна. Рахунрилай гуьгъуьниз Ф.Агьмедова шаирдив сав­кьатар­ни «Мегьарамдхуьруьн рай­ондин гьуьрметлу агьали» тIвар гунин гьа­къиндай шагьадатнама вахкана.

Межлисдин сергьятра аваз ра­хайбурун арада Дагъустандин­ писателрин Союздин лезги­ секциядин регьбер Максим­ Алимов­­ни авай. Бикеханум Али­бего­ва­дин яратмишунрикай­ адан халу­, филолог Алаудин Саидова суьгьбетна. РД-дин культурадин ла­йихлу работник, чкадин меде­ни­ят­дин кIвалин пе­шекар Изам­ Улубегова юбилярдин шиирар кIелна ва адахъ галаз санал кIва­­лахай йисар рикIел хкана…

Лагьана кIанда, шаирдин юби­лейдин межлисдик рай­он­дин­ вири хуьрерай медениятдин­ кIва­лерин къуллугъчияр­ атан­вай­. Бил­билхуьруьн ва Ги­лий­рин­ мектебра кIелзавай аял­ри фасагьат­диз шаирдин ши­ирар кIелна ва абуруз Да­гъустандин писателрин Союздин патай­ ­гра­мота­яр пиш­кешна. Межлис­дин­ иштирак­чийриз Цмуррин­ хуьруьн мектебдин 2-класс­дин ученик, бицIи шаир Нуралиев Мансура­ лезги­ ва урус чIаларалди чIехи гьевес­дивди кIелай Б.Али­бегова­­­дин ши­ир­ри гзаф таъсирна. Акьал­тIай­ устадвиляй райондин кьил Фарид Агьмедова Мансураз савкьатарни гана.

Мярекатдал Седакъет Саидовади, Назиля Исмаиловади, Рустам Къарибова ва Дербентдай атанвай манидар Саби­на Тагъиевади шаирдин чIа­ла­риз кхьенвай манияр тамамарна. Межлис «Кард» журналдин редактор Владик Батма­нова еке гьевесдивди кьиле­ тухвана­. Мярекат чешнелудаказ тухунин­ кардик райондин кьи­лин замес­титель Марта Абдуллаевади, муниципалитетдин культурадин упр­авле­­нидин начальник Эседуллагь Се­лимова ва са жерге жавабдар ксари лайихлу пай кутуна.

Чи мухбир