Алатай гьафтедин эхирра Дагъустандин Кьил Сергей Меликова полковник Руслан Мансуровахъ галаз гуьруьш кьиле тухвана. Идакай «Лезги газетдиз» РД-дин Кьилин пресс-къуллугъди хабар гана.
Гуьруьшдал республикадин регьберди мотострелковый бригададин командир Р. Мансуровав «За проявленное мужество» медаль вахкана. Гьукуматдин шабагьдиз ам Украинада кьиле физвай дяведин махсус серенжемда къалурнавай викIегьвилерай лайихлу хьана.
Къейд ийин хьи, дагъустанви полковникдин кьегьалвилерикай виликдай Россиядин оборонадин министерстводини хабар ганай. Ведомстводин делилралди, Мансурован регьбервилик квай дестеди яракьрин къуватдин жигьетдай чпелай са шумуд сеферда артух Украинадин нацистрин кьве кIеретIдихъ галаз женг тухвана. Саки кьуд сятда давам хьайи женгина дагъустанвидин дестедилай душмандин дяведин техникадин 35 уьлчме ва хейлин нацистар терг ийиз алакьна. А чIавуз Руслан Мансуроваз РФ-дин Президентдин Указдалди «Жуьрэтлувиляй» орден ганай.
Агьмед Магьмудов
