8-февралдиз кIвалахдин рекьяй Дагъустандиз атай РФ-дин экономика вилик тухунин министр Максим Орешкина Азербайжандин экономикадин министр Шагьин Мустафаевахъ, РД-дин кьил Владимир Васильевахъ, РД-дин Гьукуматдин председатель Артем Здуновахъ, Мегьарамдхуьруьн райондин кьил Фарид Агьмедовахъ ва маса вилик-кьилик квай къуллугъчийрихъ галаз санал гзаф терефрин Ярагъ-Къазмаяр автомобилрин пунктуниз килигна, Самур вацIал муьгъ эцигзавай гьалдихъ галаз таниш хьана. Идакай «Лезги газетдиз» Мегьарамдхуьруьн райондин администрациядин пресс-къуллугъди хабар гузва.
Чкадал Упрдор «Каспий» ФКУ-дин начальник Сергей Улеева федеральный министрдиз Россиядинни Азербайжандин гьукуматдин сергьятдал автомобилрин муьгъ эцигунин кIвалах кьиле физвай гьалдикай ихтилатна. Малум хьайивал, муьгъ алай йисан ноябрдиз ишлемишиз вахкудайвал я. Алай вахтунда эцигунрин кIвалахдин 59 процент тамамарнава. Самур вацIал эцигзавай муькъуьн яргъивал 325,3 метр жеда, гьяркьуьвал – 17,5 метр.
«Лезги газет»
