Мукьвара вичиз Дагъустандин халкьдин писатель лагьай чIехи тIвар ганвай РФ-дин писателрин Союздин член, филологиядин илимрин доктор, гзаф кьадар повестрин, гьикаяйрин, очеркрин, 12 романдин, учебникрин автор Гьаким Къурбанан (Къурбан Акимов) нубатдин ктаб — “Салам, Цмур!” повесть чапдай акъатнава.
ДГУ-дин тарихдинни филологиядин факультет акьалтIарай Гьаким Къурбана 1961-йисалай инихъ са шумуд йисуз Цмуррин школада муаллимвиле кIвалахнай.
ЦIийи ктабда гьатнавай повесть тарихдинни художественный эсер я. Ам автордин мецелай кхьенва. Повестда ХХ-асирдин 2-паюнин Куьредин хуьрерин яшайиш, адетар, агьвалатар ва дуствилин алакъаяр къалурнава. Гьерекатар Цмурдал, Векьелрал, Кьасумхуьрел, Сардархуьре, Махачкъалада, Москвада ва маса чкайра кьиле физва. Игитар гьакъикъатда хьайи, тарихда чпин гелер тунвай баркаллу инсанар я. Писателди абурун къаматар эбеди авунва.
Хазран Кьасумов
