Фашистрин Германияди чи уьлкведал хабарсуз гьужум авурла, Кьасумхуьруьн райондин хуьрерайни агъзурралди жегьилар ва чагъинда авай итимар фронтдиз фена. Абурукай гзафбуруз элкъвена хтун кьисмет хьанач. Бязибур гел галачиз квахьна, садбуруз гъурбатда сурар кьисмет хьана. Амма несилрин рикIера абур эбеди яз ама. Агъадихъ тIварар кьунвай кьегьаларни Ватандин ЧIехи дяведин женгерин къурбандар я.
Ватан патал чан гайи ивигарви кьегьалрин сиягьдай:
Абдулаев Абдул — Кьасумхуьруьн РВК-дай эвер гана, жергедин аскер, гел галачиз квахьна.
Абдулаев Рамазан Абдулаевич — 1907-йисуз хана. Кьасумхуьруьн РВК-дай эвер гана, Ленинград оборона авунин женгера контузиядин хирерикди 1946-йисуз Ивигрин хуьре кечмиш хьана.
Алиханов Осман — Кьасумхуьруьн РВК-дай эвер гана, жергедин аскер, 1943-йисан августдин вацра гел галачиз квахьна.
Алхасов Къурбанисмаил Алхасович — 1910-йисуз хана, Кьасумхуьруьн РВК-дай эвер гана, жергедин аскер, 1944-йисан 22-августдиз телеф хьана. Польшадин Краковский уезддин Дембица воеводдин Мокренагошино хуьре стхавилин сурара кучукнава.
Алхасов Адиширин Алхасович — 1920-йисуз хана, Кьасумхуьруьн РВК-дай эвер гана, жергедин аскер, 1942-йисан майдин вацра гел галачиз квахьна.
Амрахов Агъарза — 1920-йисуз хана, 1939-йисуз Кьасумхуьруьн РВК-дай эвер гана, жергедин аскер, 1941-йисан августдин вацра гел галачиз квахьна.
Ашурбегов Загьирбег Куругълиевич — 1908-йисуз хана, 1941-йисуз Кьасумхуьруьн РВК-дай эвер гана, жергедин аскер, 1942-йисан декабрдин вацра гел галачиз квахьна.
Гьабибулаев Ибайдулагь — 1913-йисуз хана, Кьасумхуьруьн РВК-дай эвер гана, жергедин аскер, 1076-стрелковый дивизиядин 314-стрелковый полкунин аскер, 1944-йисан 29-февралдиз телеф хьана. Эстониядин Кохтлаярвеский райондин Вайвара — Кирик хуьре кучукнава.
Гьезеров Гьажибала — 1918-йисуз хана, Кьасумхуьруьн РВК-дай эвер гана, жергедин аскер,1942-йисан февралдин вацра гел галачиз квахьна.
Гьамзаев Абдуселим Гьамзаевич — 1908-йисуз хана, Кьасумхуьруьн РВК-дай эвер гана, жергедин аскер, 1944-йисан мартдин вацра гел галачиз квахьна.
Кьадиев Гьасанбег Кьадиевич — 1908-йисуз хана, 1942-йисуз Кьасумхуьруьн РВК-дай эвер гана, жергедин аскер, 1944-йисан мартдин вацра гел галачиз квахьна.
Къарибов Агъабег Нежефович — Кьасумхуьруьн РВК-дай эвер гана, жергедин аскер, гел галачиз квахьна.
Къагьриманов Садикь — 1910-йисуз хана, 1942-йисуз Кьасумхуьруьн РВК-дай эвер гана, жергедин аскер, 1944-йисан майдиз гел галачиз квахьна.
Мусаев Нисредин — 1917-йисуз хана, Кьасумхуьруьн РВК-дай эвер гана. 1939-йисуз, жергедин аскер,1942-йисан октябрдин вацра гел галачиз квахьна.
Мустафаев Авчихан — 1918-йисуз хана, Кьасумхуьруьн РВК-дай эвер гана, жергедин аскер, 1941-йисан декабрдиз гел галачиз квахьна.
Муслимов Садикь — 1915-йисуз хана, Кьасумхуьруьн РВК-дай 1939-йисуз эвер гана, жергедин аскер, 1941-йисан декабрдиз гел галачиз квахьна.
Фаталиев Сефибег Фаталиевич — 1919-йисуз хана, Кьасумхуьруьн РВК-дай эвер гана, 291-пулеметный батальондин 109-стрелковый дивизиядин сержант. 1942-йисан 22-сентябрдиз гуьлледин хирерикди 281-медсанбатда телеф хьана. Ленинград шегьердин Вологодско-Ямский Слободадин 85-сура кучукнава.
Цмиханов Гьажи — 1916-йисуз хана, Махачкъаладин ГВК-дай эвер гана, жергедин аскер, 1942-йисан майдин вацра гел галачиз квахьна.
Шайдаев Айдабег — 1901-йисуз хана, жергедин аскер, 1943-йисан мартдин вацра гел галачиз квахьна.
Эмиров Багьаудин Эмиралиевич — 1915-йисуз хана, Кьасумхуьруьн РВК-дай эвер гана, лейтенант, 1943-йисан 18-июлдиз телеф хьана. Луганский областдин Лисичанский райондин Боровское хуьруьвай 2,5 км. яргъа, Дон вацIун чапла патан тама кучукнава.
Ватан патал чанар гайи ивигарви кьегьалрин сиягь гьазурдайла, “Назовем поименно: Книга памяти, том 8” ктабдикай менфят къачуна.
Абдула Абдулаев, дидед чIалан муаллим
