Алатай гьафтедин ял ядай йикъара Махачкъалада, Е.Исинбаевадин тIварунихъ галай стадиондал, япарал залан спортсменрин арада кьезил атлетикадай республикадин сад лагьай чемпионат кьиле фена. Ана 20-далай виниз спортсменри жуьреба-жуьре мензилриз чукурунай ва пут, ядро яргъаз гадарунай чпин устадвал къалурна.
ИкI, 100 ва 400 метрийриз чукурунай къизилдин кьве медаль Амина Рамазановади къазанмишна. Итимрин арада 100 метрдиз чукурунай Рамазан Зайнуев гъалиб хьана. Ядро гадарунай лагьайтIа, итимрин арада Гьажимурад Мегьамедова, дишегьлийрин арадани Миная Рамазановади 1-чкаяр кьуна.
Гъалибвал къазанмишай спортсменри алай вацра Чувашиядин Чебоксары шегьерда кьиле фидай Россиядин чемпионатдиз гьазурвал аквада.
«Лезги газет»
