Рамри Бирмадин патав гвай остров я. Дуьньяда авай гьар са островдихъ вичин кьетIенвилерни ажайибвилер ава. Рамрида 1945-йисан февралдиз мусибатдин вакъиа арадал атанай.
Дуьньядин кьвед лагьай дяведин эхирар. Бирма Япониядин императоррин къуватрикай азадун патал 1945-йисан февралдиз британвийри пачагьдин флотдин къуватар островдин мулкариз ракъурна. Британвийри японвийрихъ галаз тухвай женг ругуд гьафтеда кьван давам хьана. Японвияр муьтIуьгъ хьунал ва я катдай чкадал гъуналди, британвийри островдин вири рекьер гуьзчивилик кутуна. Кьулухъди хъфин патал японвияр гзаф крокодилар авай уьленлух чкайрилай элячIна кIанзавай. Япониядин бязи аскерар уьлендай катиз алахъна. И яргъал рекье гьатайбуруз гзаф кьадар ветIери, зегьерлу хушраканри зиянар гана. Гуьгъуьнлай абур гуьзлемиш тавур мусибатдик — крокодилрин гьужумдик акатна. Уьлендай фейи Япониядин агъзурдав агакьна аскердикай чан аламаз анжах 20 кас жагъун хъувунай.
И агьвалат, гьайванрин гьужумдин нетижада арадал атай лап чIехи мусибат хьиз, рекордрин Ктабдани гьатнава.
Гьазурайди — Куругъли Ферзалиев
