Мад са пак Рамазандин варз

Акъатзава, нур кьилеллаз.

Сад Аллагьди авунвай чаз

Масанар квез мубаракрай!

 

Чинра аваз гьамиша хъвер,

Гьар келима — ширин шекер,

Халикь патал хуьзвай сивер,

Инсанар, квез мубаракрай!

 

Бул наз-нямет алай суфра,

Мадни гегьенш артух хьурай.

Муазинрин пак мискIинрай

Азанар квез мубаракрай!

 

Ислам диндиз къуллугъиз пак,

КIвале-кIвале ачух я рак.

Гьикьван кIантIан атуй луз гьакI,

Мугьманар квез мубаракрай!

 

Лезги халкьдин, рекьевай дуьз,

Гьахъни намус хас тир вичиз,

Уьмуьр тирвал хуьзвай михьиз,

Вижданар квез мубаракрай!

Нариман Къарибов