РД-дин транспортдин ва рекьерин майишатдин министерстводин пресс-къуллугъди хабар гузвайвал, «Хатасуз ерилу рекьер» проектдин сергьятра аваз Дагъустанда пуд муьгъ ремонтна кутягьнава. Абурун умуми яргъивал 435 метрдиз барабар я.
ИкI, «Мегьарамдхуьр – Ахцегь – Рутул» шегьре рекьин 40-километрдилай 54-километрдал кьван мензилда рекьериз къуллугъзавайбуру тIебии тушир тадаракар, гьа гьисабдай яз, Самур ва Усугъчай вацIарал эцигнавай кьве муьгъ ремонтна, гьакIни абурал кIватI жезвай яд къерехдиз акъуддай рекьер туькIуьрна.
«Мамрач – Ташкапур – Аракандин муьгъ» рекьин 23-километрдилай 30-километрдал кьван мензилда пешекарри 6 метрдин яргъивал алай муьгъ ремонтна, гьакIни яд къерехдиз акъуддай къурулуш михьна, ремонтна.
РикIел хкин, къенин юкъуз, «Хатасуз ерилу рекьер» проектдин сергьятра аваз, Дагъустан Республикадин 113,3 километр рекьера ремонтдин кIвалахар акьалтIарнава, гьакIни Махачкъаладин, санлай къачурла, 12 километр рекьер талукь тир къайдадиз гъанва.
Чи мухбир
