РФ-дин Президент Владимир Путина уьлкведин илимдинни кьилин образованидин, просвещенидин министерствойриз, Урусатдин промышленникринни карчийрин союздиз (РСПП) Дагъустандин игьтияжар патал логистикадин рекьяй пешекарар гьазурунин тапшуругъ ганва. Идакай ТАСС-ди хабар гузва.
Къейд ийин хьи, мукьвара Владимир Путина РСПП-дин бюродин членрихъ галаз гуьруьш кьиле тухванай. Гуьруьшдал жуьреба-жуьре месэлайрихъ галаз санал уьлкведин регионра логистика вилик тухуниз талукьбурни веревирдна. Президентди Дагъустан патал логистикадин рекьяй цIийи пешекарар гьазурунин игьтияж авайди, алай вахтунда республикада авай пешекаррин чирвилер хкажна, тежриба артухарна кIанзавайди къейдна ва винидихъ тIварар кьур идарайрал и рекьяй кIвалах тухун буйругъна.
И месэладиз талукь яз кьиле тухудай кIвалахрин нетижайриз талукь доклад, РФ-дин илимдинни кьилин образованидин, просвещенидин министерствойрин кьилери, РСПП-дин президентди алай йисан 15 июндалди гьазурна, Владимир Путинал агакьардайвал я.
Чи мухбир
