—        Дуьньяда пингвинрин жуьреяр 18 ава.

—        Пингвинрин цIакулар куьруьбур я, амма абур пуд къатуна аваз экъечIзава. Абур бедендал акьван сихдиз алкIанва хьи, гьатта циз фена экъечIайлани, абур кьежизвач. И къушари чпин уьмуьрдин чIехи пай це акъудзава. Амма ЦIийи Зеландияда авай пингвинар целай гзаф кьураматдал жезва.

—        И къушарин вилериз кьураматдилай це хъсандиз аквазва.

—        Вири пингвинар йиртижияр я. Абуру балугъар, къирхаягъар хьтин гьайванар незва.

—        Императорский пингвинар виридалайни екебур я. Абур 120-130 сантиметрдилайни кьакьан хьун мумкин я.

—        Пингвинривай са йикъан къене 400-500 кIезри нез жеда.

—        Бедендиз чими авун патал вишералди пингвинар сад-садав агатна кIватI жезва.

—        Недай затI жагъурун патал и къушари гагь-гагь 300-500 километрдин мензилдиз кьван сирнавда.

—        Пингвинрин тапасрал алай хам гзаф яцIуди я, гьавиляй абур муркIади кьазвач.

—        И къушар лап мекьи, мишекъат шартIар эхдайбур я. Абурувай гьатта 60 градусдин мекьивилизни дурум гуз жеда.

—        Лув гуз тежезвай къушарикай пингвинар виридалайни екебур туш. Девекъушар ва казуарар пингвинрилай еке я.

—        Инсан хьиз, тикдиз акъвазна, кIвачерал къекъвезвай къуш анжах пингвин я.

«Лезги газет»