И йикъара Докъузпара райондин кьил Мегьамед Шамилов Украинада кьиле физвай СВО-да иштиракзавай Къалажухрин хуьряй тир аскер Шубу Микаиловахъ галаз гуьруьшмиш хьана. Гуьруьшда райондин кьилин заместителар тир С.Гьажимурадова, А.Балакишиева, райондин кьилин куьмекчи Р.Агъаметова иштиракна. Идакай муниципалитетдин пресс-къуллугъди хабар гузва.
Отделенидин командир, сержант Шубу Микаилов алай вахтунда хуьруьз куьруь рухсатдиз хтанва. Вилик эцигнавай тапшуругъар лайихлудаказ кьилиз акъудунай райондин регьберди вичин ва докъузпаравийрин патай аскердиз сагърай лагьана.
Военный махсус серенжемда иштиракай вахтунда жуьрэтлувал, дурумлувал къалурунай аскердив райондин кьили чухсагъулдин чар вахкана.
Къейд ийин, Ватан, РФ-дин государстводин итижар хуьнин карда викIегьвал, жуьрэтлувал къалурунай Шубу Февралович Суворован медалдиз лайихлу хьанва. Аскерди вичин юлдашрин патав хъфин ва къуллугъдинни женгинин тапшуругъар давамар хъувун пак буржи яз гьисабзава.
Чи мухбир
