Виридуьньядин здравоохраненидин тешкилатдин делилралди, коронавирусдин “Омикрон” штамм и азардин амай штаммрилай фад чкIизва. РикIел хкин: сифтени-сифте и штамм ЮАР-да алай йисан ноябрдин вацра малум хьана. ВОЗ-дин делилралди, са вацран къене ам дуьньядин 89 уьлкведа тестикь хьана.
Россияда омикрон-штамм квай сифтегьан кьве дуьшуьш 6-декабрдиз винел акъатна. Ам ЮАР-дай хтай кьве туристдик квайди тестикь хьана. Россиядин здравоохраненидин министр Михаил Мурашкоди хабар гузвайвал, къенин юкъуз чи уьлкведа ахьтин 25 дуьшуьш винел акъуднава.
Шикил раижнава
Роспотребнадзордин сайтда хабар ганвайвал, и йикъара Государстводин вирусологиядин ва биотехнологиядин илимдин “Вектор” центради (ам 1974-йисалай кардик ква) коронавирусдин “Омикрон” штаммдин шикил сифте яз раижна.
«Лезги газет»
