И йикъара Сулейман-Стальский районда образованидин управленидин къуллугъчийрин совещание кьиле фена. Райондин УО-дин начальник Къачабег Аминова кьиле тухвай совещанидал алатай кlелунин йисан нетижаяр кьуна ва гила къведай кlелунин цlийи йисан гьазурвилериз, вилик акъвазнавай месэлайриз талукь веревирдерна.
Къ. Аминова къейд авурвал, райондин сергьятра алатай йисуз образованидин управлениди тухвай кlвалахар рази жедайбур, менфятлубур хьана. Кlвалахдин дережа къейдунихъ галаз сад яз ада вилик акъвазнавай месэлайрикайни, абур гьялдай рекьерикайни ихтилатна.
УО-дин пешекарри гьар йисуз кьиле тухузвай августдин совещанидиз ва цlийи кlелдай йисаз гьазурвилер акуниз талукь важиблу месэлаяр веревирдна.
«Лезги газет»
