Квез чидани?
— Буран Чилел 5 агъзур йис идалай вилик пайда хьана. Чи йикъара буранрин 50-далай гзаф сортар малум я.
— Ракь гзаф квайвиляй буранди иви тIимил хьунихъ (анемия) галаз женг чIугваз куьмек гуда.
— Мандаринар вилерин экв патал хийирлу яз гьисабзава. Абурук квай С ва А витаминри вилерин экв зайифардай азарриз аксивалзава.
— Вири цуькверикай бязибур кьилдин уьлквейра лап рикI алайбур яз кьабулнава. Месела, тюльпан Нидерландра машгьур я. И цуьк Османрин династиядин туьркверин султанрин герб хьана. Швейцарияда эдельвейс цуьк машгьур я, Иранда — яру марвар, Японияда — хризантема, Ирландияда — инжи цуьк, Мексикада — георгин. Уэльсдин гербдал сурарин (порей) шикил ала, Шотландиядин гербдал — татарник.
— Цацар хьтин пешер алай тарари ван-сес явашарзава. Месела, са жергеда ихьтин 5-6 тар цайитIа, са гьинай ятIани къвезвай ванер-сесер, абур себеб яз, 25 процентдин яваш жеда.
— Такка тIвар алай набатат кьаркьулувдиз ухшар я.
— Ятрышник набататдин пешер инсандин кIалубдиз ухшар я.
— Киви пегьриздин майва я — ам тIуьникди артухан пи алатда ва беден мягькем жеда.
— Лилия цуькверин вири жинсерик 3 агъзурдалай виниз сортар акатзава. Абур гьам кIалубралди, гьамни таваралди тафаватлу жезва.
— “Арабика” Эфиопияда авай кофедин там я. Кофедин арабика сортунин тIварни гьа инай атанва.
«Лезги газет»
