«Устадрин хуьр» («Аул мастеров») тlвар алай мультсериал дагълух хуьре шегьердин аялдин кьилел къвезвай агьвалатрикай я. Ам РФ-дин президентдин 2,1 миллион манатдин грантдин такьатрихъ Дагъустан республикада гьазурнава.

«ЛезгиЯр» чешмеди хабар гузвайвал, и йикъара Махачкъалада авай «Ростелеком» ПАО-дин филиалда мультфильмадин презентация кьиле фена.

Проектдик кьил кутунвай Руслан Салимагъаева малумарайвал, мульфильм арадал гъанва, урус чlалал пуд серия гьазур я. Мультфильм чlугунин кlвалахар са йисалайни гзаф вахтунда давам хьана. Серияр 6-8 декьикьада давам жезвайбур я.

Адан гафарай, мукьвал вахтара мультсериал республикадин кинотеатрра къалурдайвал я. Идалайни гъейри, абур республикадин саки вири мектебра тешкилда.

Гележегда 10 серия гьазурдай ва абур Дагъустандин вад чlалаз – лезги, дарги, авар, лак, къумукь – таржума ийидай фикир ава.

«Лезги газет»