Баркаллу миграгъви хва, сарар сагъар хъувунин ва эхцигунин рекьяй машгьур устад, чIехи хизандин кьил, дустарин дуст, гзаф крарин меценат Абдуллагь  Байрамович  Байрамоваз:

Гьуьрметлу хва! Чаз сагъвилин лувар хуьз,

Мублагь чилер, гьакьван ачух цавар хуьз,

Вири рангар, тавар, асул нурар хуьз…

Себеб сад я — саламатдиз сарар хуьн!

Четин къвазда яшлу чандиз къизилар,

На чинидив ийида дерт кьезилар.

Гьа кар тушни хазинайрин хазина!

Аллагьди ваз гурай дуьньяд изинар!..

Тай авайд туш гьунардиз ви сантунин,

Куьлег хьиз я ам инсандин бахтунин,

Вунни — сердер а мубарак тахтунин!

Метлеб жедач масакIа вун акунихъ…

Вун хайи югъ, сиверин варз, алукьзавай Майдин суварарни тебрикзавай

Мерд Али, адан хизанар, ярар-дустар, багърияр…