Дагъустандин халкьдин артист Агъахан  Рамазанович  Агъахановаз:

«Дагъустандин  халкьдин артист» —

Багьа тIвар мубарак, Агъахан!

Сагъ чан хьана, виш йисарив

Агакьрай вун, чи Агъахан!

Гьа ихьтин хъсан гафаралди чна, Лезги театрдин коллективди, къени инсан, вичин вири къуватар, тежриба, чирвилер хайи те­а­тр­дин рекье серфзавай ба­жарагълу актёр Агъахан Ра­ма­занович Агъахановаз “Да­гъустандин халкьдин артист” лагьай чIехи тIвар мубаракзава.

Зур асирдин актёрвилин тежриба авай, театр­дин сегь­недал хъсан къаматар яратмишуналди, лезги халкь­дин патай еке гьуьр­мет къазанмишнавай Агъа­­хан Агъаханован эрзиман мурад сад я: хайи театрдиз, багъри лезги халкьдиз къуллугъун давамарун. Къуй адан и экуь мурад кьилиз акъатрай!

Тамам хьана вири къастар­,

Вун кIубан яз акурай.

Амай уьмуьр хьурай гатфар,

Ваз чIехи тIвар мубаракрай!

Лезги театрдин коллектив