Миграгъви хва, Республикадин стоматологиядин поликлиникада, инсанриз сарар хуьз, цIийибур эхцигиз, яргъал йисара зегьмет чIугвазвай чIехи духтур, гьахьтин заргар, гъилиз пайгар, руьгьдиз азгар меценат Абдуллагь  Байрамович  Байрамоваз:

Вун — чи панагь, квачир гунагь.

Ваз куьмек хьуй ЧIехи Аллагь!

Яшамишрай хизанар ви!

Сагъламвилин мизанар ви!

Гъилиз — кьезил, къилих — къизил,

Хуьз алакьда чи сагъ мензил.

Йисари ваз гурай сабур,

Зайиф тийиз вилерин нур.

Вал пехилбур чеб хьурай перт,

ВацIа гьатрай туькьуьлрин дерт.

Мубаракрай юбилей ваз,

Шад багърийрин юкьва аваз.

Ви сагълугъдай дустари  мерд

Хкажзава суварин мед…

Ви 60 йисан юбилей ва алукьзавай Майдин суварарни тебрикзавай Мерд Али, адан хизанар, ярар-дустар, вири миграгъвияр.