Дагъустандин Кьил Владимир Васильеван Указдалди художник Октай Алирзаеваз “Дагъустан Республикадин лайихлу художник” лагьай тIвар ганва.
2019-йисан 20-декабрдиз къул чIугунвай документда къейднавайвал, и тIварцIиз ам «яргъал йисарин гьакъисагъ зегьметда къазанмишнавай агалкьунрай лайихлу хьанва».
Октай Алирзаевич Алирзаеван ери-бине Ахцегьай я. Ада И.Е.Репинан тIварунихъ галай живописдин, скульптурадин ва архитектурадин Госакадемиядин институтдин графикадин факультет акьалтIарна.
Россиядин художникрин Союздин член тир, 58 йисан яшда авай чи ватандашди алай вахтунда Ленинграддин культурадин ва искусстводин областной колледжда тарсар гузва.
“Лезги газетдин” редакциядин коллективди Октай Алирзаевичаз гьуьрметдин тIвар гун мубаракзава, адахъ чандин мягькем сагъламвал, кIвалахда ва яратмишунра мадни еке агалкьунар хьун алхишзава.
«Лезги газет»
