Кьурагь райондин Гелхенрин хуьряй тир Дагъустандин халкьдин игит, “Дагюгстрой” ОАО-дин регьбер, технический илимрин кандидат, РД-дин лайихлу эцигунардайди, “Эцигунрин хиле лайихлувилерай” ордендин сагьиб Гьажи Ражабович Жабраиловаз:
Эцигунрин кар чида ваз,
И рекье вун устад я.
Багъриярни дустар галаз
Вун шад хьун зи мурад я.
Мертебаяр, кьакьан кIвалер…
Ви кархана машгьур я.
Хайи халкьдиз куьмекар гуз
Вун гьамиша гьазур я.
Гьавиляй ваз гьуьрмет ава,
Ваз баркалла лугьузва.
Вав чидай кьван гьар са касди
Дуствилин гъил вугузва.
Чандин сагъвал хьурай кIубан,
Кьилелни рагъ алаз хьурай!
Халкьдин арха, вун гьамиша
Чи далудихъ галаз хьурай!
Ваз пешекарвилин сувар — Эцигунардайдан югъ рикIин сидкьидай мубаракзавай Дагъустандин халкьдин артист, “Дагъустан” РГВК-да милли чIаларал кьиле физвай вещанидин директор, “Вахтар ва инсанар” передачадин автор ва ам кьиле тухузвай Исамудин Агьмедов.
